Ginahulat na lang sang chairman sang Committee on Health and Sanitation, sa Sangguniang Panlungsod sa ciudad sang Bacolod ang final report gikan sa mga concerned agencies agud nga matumod kun ano ang gintunaan sang mahigko kag mabaho nga tubig nga nagailig sa kalog sa GK Village sa Barangay Banago, Bacolod City.
Sa interview sang Bombo Radyo Bacolod kay Councilor Kalaw Puentevella, napadulungan na sini ang lugar kaupod ang katapo sang Department of Public Services sa ciudad sang Bacolod agud nga tsekyaron ang ginareklamo sang mga residente.
Suno kay Puentevella, sa ila nga pagtsekyar, nakumpirmar sang mga ini nga insakto ang ginareklamo sang mga pumuluyo.
Suno sa konsehal, indi man sini mapinpoint kun sa diin naghalin bangud may yara sila sang nakita nga tatlo tubtob apat ka establishments sa lugar.
Suno diri kun matumod na, ipatawag niya ang mga tag-iya sang buildings agud madiskusyunan ang mangin solution sa problema.
