Request nga pagpasulod sang U.S. military aircraft nga may sakay nga deported migrants sa Mexico, wala gintugutan

Wala ginbaton sang Mexico ang request gikan sa administrasyon ni US President Donald Trump nga pagpahanugot sa U.S. military aircraft nga sakay ang ginpangdeport nga migrants nga magland sa pungsod.

Ang U.S. military aircraft nga may duha ka byahe ang nagadala sang 80 ka migrants sa Guatemala apang wala sang C-17 transport aircraft nga nagland sa Mexico bangod gindeny sang pungsod ang permission.

Suno sa foreign ministry sang Mexico, may maayo nga relasyon ang pungsod sa US kag nagakooperar sa mga isyu kaangay sang immigration.

Wala naman sang may ginhatag nga rason ang Mexican official sa denial sang permission samtang wala man ginmensyonar sang foreign ministry ang insidente.