Ginatun-na sa karun sang Sangguniang Panlungsod sang Bacolod ang request nga Resolution of No Objection (RONO) sang Bacolod Real Estate Development Corporation (Bredco) angot sa additional nga reclamation para sa pagdevelop sang ila puerto.
Sa interview sang Bombo Radyo kay Councilor Al Victor Espino, chairperson committee on laws and ordinances, ang Bredco Port kag Reclamation Project ang yara sa idalum sang agreement sang ciudad kag Comprehensive Revised Reclamation Agreement (CRRA) kag Philippine Reclamation Authority (PRA) nga nagapahanugot nga makareclaim ang BREDCO sang 250 hectares apang sa karun wala pa man sang exact nga datos kun pila na ang natigayon nga nareclaim.
Nagahingyo sa karun ang BREDCO sang dugang nga 25 hectares para sa pagpadevelop sang ila nga puerto.
Ini pa ang pagatun-an bangod nga may yara sang isa ka firm nga nagapamatok sa reclaimation project bangod nga ila ginbakal ang area sa BREDCO apang ang area ang nalakip sa tinutuyo nga I-reclaim sang sini.
