Gin-reject sang International Criminal Court (ICC) Trial Chamber III ang request sang counsel para sa mga biktima nga sila ang tugutan nga magtagalog sa pila ka parte sang ila nga opening statement sa ginpatigayon nga pre-trial conference batok kay former President Rodrigo Duterte para sa kaso nga crimes against humanity.
Isa ini sa mga pagsulondan nga ginpatuman sang trial chamber sa ikalima nga pre-trial conference sa ICC.
Suno kay Presiding Judge Joanna Korner, kun tugutan ang linggwahe nga Tagalog, nga wala sa opisyal nga linggwahe sang ICC, ini ang magtuga sang implikasyon sa applications sang mga biktima, kag magresulta man sa dugang nga galastuhan nahanungod sa translation requirements.
Suno kay Korner, pagasundon na lamang ang mando sa idalom sang Rome Statute nga English lamang magluwas sa French, ang pagagamiton nga linggwahe.
Wala naman nagtambong si Dutere sa nasambit nga conference kahapon, matapos gintugutan sang korte ang hingyo sang depensa nga indi ini maka-attend.
