-- ADVERTISEMENT --
Dead on arrival sa Sipalay City Health Office ang isa ka rescue kag swimming instructor matapos ini ang malumos sa isa ka diving resort sa Barangay 4, ciudad sang Sipalay las-2:47 kaina sang hapon.
Ang biktima ginkilala kay Henry Aguillon, Jr. 57-anyos, kasado kag pumuluyo sang Himamaylan City.
Sa inisyal nga imbestigasyon sang mga kapulisan, nag-scuba diving ang biktima upod sa apat ka mga personnel sang Philippine Life Saving Society (PLS) sang ini ang naipit sa coral reef kag nalumos.
Nagakasubo naman ang mga nakakilala kay Agullon ilabi na ang sa rescue kag life-saving community bangod sa hinali sini nga pagkadula.
