Nagbunggu-anay ang rescue vehicle sang Kabankalan City kag isa ka pribado nga salakyan sa Lacson Street, Brgy 40, Bacolod City alas-6:20 kaina sang aga.
Ang imbulbado ang ginalakipan sang rescue vehicle sang Kabankalan City Government nga Mitsubishi Strada Pick-Up kag sang itom nga Toyota Vios.
Ang rescue vehicle ang ginadala ni Miguel Nifras, 62 anyos, kasado, residente sang Isidro Village, Talubangi, Kabankalan City kag ini ang nagabyahe padulong sa norte nga dereksyon.
Samtang ang pribado nga kotse ang ginamaneho naman ni Troy Dacusin, 23 anyos, single, residente sang Malecon street, Barangay Zone 6, Pulupandan, nga nagabyahe naman padulong sa West direction.
Samtang sakay naman sini sanday Patrick Gian Anazawa, 19 anyos, single, residente sang Alunan Avenue, Brgy Singcang airport, Bacolod City; Jeymar Avillar, 25 anyos, single, residente sang Pulupandan; kag Aljames Lariosa, 18 anyos, single, residente sang Villa Maria Subdivision, Brgy Sum ag, Bacolod City.
Sa inisyal nga imbestigasyon sang Traffic Enforcement Unit, aksidente nga nagbunggu-anay ang duha ka salakyan pagdangat sa intersection.
Nakaangkon sang minor injuries ang mga sakay sang duha ka salakyan, nga gilayon man nga nadapatan sang pagbulong.












