Ginmanduan ang mga residente sang 2,500 ka mga barangay nga mag-evacuate sa ila mga puluy-an samtang nagahilapit sa norte nga bahin sang Pilipinas si Typhoon Nika matapos nga naglaslas ang tatlo ka makusog nga cyclones sa pungsod sa sulod lamang sang isa ka bulan.
Malapit 700,000 ka mga persona ang nagapabilin sa gihapon sa mga evacuation centers ukon sa ila mga himata matapos nga nagkalaguba ang ila mga puluy-an bangud sa bagyo Kristine, Leon kag Marce.
Ang nasambit nga mga bagyo ang gintunaan sang kamatayon sang 159 ka mga persona.
Bangud sa ginalauman nga isa nanaman ka bagyo, ang mga persona nga nagapuyo sa 2,500 ka mga barangay sa northern regions sang Ilocos, Cagayan Valley kag Cordillera ang ginmanduan nga mag-evacuate.
Suno kay Interior and Local Government Secretary Jonvic Remulla, ang mga balas sa nasambit nga mga areas ang tuman ka saturated kag tuman kataaas ang risgo sang landslides.
