Wala pa sang nabatun nga report ang Punong Barangay sang Barangay Mandalagan sa ciudad sang Bacolod nga may isa ka babayi nga Chinese looking nga nagapangkuha sang picture sang valid ID agud gamiton ang gcash.
Sa interview sang Bombo Radyo Bacolod kay Barangay Mandalagan Punong Barangay Paul Anieve, wala sila sang nabaton nga report sang kaangay nga modus apang ginatsekyar man sini ang mga tricycle drivers association sa Barangay agud nga mavalidate kun may ara.
Suno kay Anieve, nagacoordinate na ini sa station commander sang Bacolod Police Station 3 agud nga makahimo sang tikang agud nga malikawan nga may mabiktima nga residente sa nasambit nga modus.
Una naman nga ginpahayag sang station commander sang Bacolod Police Station 3 ang lugar nga nasakupan sini kasunod sang report nga nabaton nga may isa ka daw Chinese national nga nagakuha sang picture sang ID para sa Gcash.
Samtang ginapahalong naman sang Punong Barangay sang Barangay Mandalagan, ang mga pumuluyo kag ginpaandaman nga indi gid pagibaligya ang identity.
