Makaligad lamang sang duha ka bulan, liwat naman nga may nagluntad nga sunog sa bahin sang Barangay 7, Bacolod City.
Sa interview sang Bombo Radyo Bacolod kay Punong Barangay Hershey Sibug, ang sunog ang nagluntad sa squater area sa bahin sang 6th Street, Purok Tangkong, Barangay 7 pasado alas-9:00 kagab-i.
Gina-alegar nga ang sunog ang gintuga sang naglupok nga butane gas matapos mabiyaan sang ginabanta 15 anyos nga si Rene Sison ang ginaluto nga tinig-ang.
Bangod sa human sa light materials, madasig nga nagdako ang kalayo kag gilayon man nga naglatun sa mga kaingod nga naga-inikit-ikit nga mga balay.
May-ara naman sang natrap, sa area matapos nga gintinguhaan pa sang mga ini nga kontrolon ang sunog.
Suno kay Sibug, ginabanta sini nga kapin 100 ang balay sa nasambitan nga lugar santo sa kadamuon sang mga ginatagtag diri nga mga assistance gikan sa gobyerno.
Ginakasubo naman sini nga matapos ang malala nga sunog sa Purok Magnolia sa nasambitan nga Barangay sang Hulyo 9, may-ara naman sang panibag-o nga sunog sa Purok Tangkong.
Sa karun padayun pa ang imbestigasyon sang Bacolod City Fire Station sa gintunaan sang sunog kag sa balor sang kahalitan.
Ang mga bitima ang temporaryo sa karun nga nagatinir sa evacuation center sa Barangay Alijis.
