Ginbaton na sang alkalde sang ciudad sang Bacolod ang resignation letter ni Bacolod City Legal Officer Atty. Romeo Carlos Ting Jr.
Nagpagwa kahapon si Bacolod City Mayor Alfredo “Albee” Benitez sang official statement kun sa diin ginpasalamatan sini ang pagserbisyo ni Atty Ting sa ciudad sang Bacolod.
Sa interview sang Bombo Radyo Bacolod kay Barangay Sincang-Airport Punong Barangay Atty Caesar Distrito, spokesperson ni Bacolod City Mayor Alfredo “Albee” Benitez nga wala sang kamatuoran ang mga alegasyon nga nagresign ang anay City Legal Officer bangud sa mga anomaliya sa ciudad sa idalom sang administrasyon sang alkalde.
Suno kay Distrito, sang tinalikdan pa nagpahayag si Atty Ting nga magaresign na ini kag luyag sini nga magbalik sa private practice.
Ginpahayag man sini nga siya ang isa ka abugado man gani nakahibalo ini kag naintindihan sini nga lain gid man ang income sa private practice kun ipaanggid sa pagserbe bilang legal officer.
Dugang pa nga wala ni Atty Ting maexercise ang private practice sini bangud limitado na ang oras sini kag nagakaubos na ang oras sa pagserbe bilang city legal officer.
Samtang, suno kay Distrito si Atty. Karol Joseph Chiu ang nagbulos kay Atty Ting ang competitive kag nakahibalo na sang pasikot-sikot sa City Government bangud nangin Secretary to the Mayor naman ini kun sa diin siya ang ginbuslan man ni Atty. Marty Go nga anay media practicioner man.
