Nabaton na ni Senate President Vicente Sotto III ang resignation letter ni Senator Panfilo Lacson.
Una na nga ginpahayag ni Lacson nga magaresign ini bilang chairman sang Senate Blue Ribbon Committee bangud sa pagkadismaya sang iya mga kaupdanan kun paano sini ginauyatan ang imbestigasyon natuhoy sa korapsyon sa flood control projects.
Sa iya sulat, ginpahayag ni Lacson nga wala sang political considerations sa iya mga tikang bilang chairman sang Blue Ribbon Committee.
Ginpanginwala man sini nga siya ang may ginatarget nga mga specific nga mga Senador samtang ginaprotektahan ang mga yara sa Kamara.
Suno diri, ini ang malayo sa kamatuoran kag ang misrepresentations ang ginahaboy sang mga kritiko nga nagapamatok sang ila efforts agud matumod ang mga yara sa likod sang flood control anomalies.
