Nag-file si Senator Bam Aquino sang resolution nga nagaduso sang pagkilala sa BINI sa paghimo sang kasaysayan, bilang labing-una nga Filipino kag P-pop girl group nga naka-perform sa Coachella Valley Music and Arts Festival sa California.
Suno kay Aquino, sa idalom sang Senate Resolution No. 370, nagapakita sang dako nga potential sang Philippine creative economy ang pagpasakop sang BINI sa Coachella 2026, kag kun paano maka-generate sang global demand ang Filipino talent, makahimo sang economic opportunities kag nagapabaskog sang presensya sang pungsod sa global cultural kag creative landscape.
Suno sa senador nga nagaserbe nga inspirasyon sa mga pamatan-on ang ginhimo sang grupo.
Nagalaom man ang mamalidha nga mangin pala-agyan ang performance sang BINI sa kilala nga festival sa padayon nga pagsanyog sang P-pop kag makabukas sang opurtunidad sa mas madamo nga Filipino artists agud mapakita ang ila talento kag makakuha sang mas dako nga visibility sa global music industry.
Una nga nag-perform ang BINI sa Coachella 2026 sang Abril 11, oras sa Pilipinas.
Magapasundayag man sila sa second weekend sang Coachella sa April 18, oras sa Pilipinas.
Ang Coachella, ang isa sa prestiyoso kag highest grossing music festivals sa bug-os nga kalibutan.
