Iga-aprobar sa Miyerkules, Hulyo 10 sa Sangguniang Panlungsod sang Bacolod City ang resolution natuhoy sa financial assistance para sa mga backyard hog raisers nga apektado sang african swine fever (ASF).
Suno sa chairperson sang committee on agriculture, councilor thaddeus sayson na delay sa kapin isa ka semana ang paghatag sang financial assistance bangod sa proseso nga ginapatigayon sang Bacolod City planning officer.
Suno diri, nag-agi sa tatlo ka council ang resolusyon, uan diri sa City Disaster Risk and Management Office kun sa diin nagikan ang kwarta nga ihatag sa mga hog raisers.
Ikaduha sa City Development Council nga yara sa DRRMO kag amo na nga ipasa sa City Council.
Matapos ini, ang City Mayors Office na ang magapadayon proseso sang papeles sang mga biktima sang ASF ukon mga nagpatigayon sang culling, kaupod sang City Veterinarian kag Brgy. Officials
Ang papeles sang mga backyard hog raisers ang ila usisaon bangod dapat nga nakareport ang mga ini sang ila napatay nga baboy.
Aminado man si Sayson, nga may yara sa gihapon sang mga baboy ang nagakalamatay apang indi na madako nga issue bangod madutay na lang ang nagasagod sang baboy sa ciudad.
