Ginahulat pa ang resolution gikan sa Sanggunnag Panlungsod sang ciudad sang Bacolod para sa extension sang Business One Stop Shop.
Suno kay Business Permits and Licensing Office (BPLO) Head Stela Rose Rayos, sa Miyerkules pa masulod ang request para sa extension apang may yara na sang initial nga instruction gikan kay Bacolod City Vice Mayor El Cid Familiaran nga acting mayor sa karun.
Tuig 2024, nagdangat sa 24,690 ang nakaparegister apang sa karun nga tuig humalin as Enero tubtob Pebrero 15, naglab-ot na sa 19,900 ang nakaparegister kun sa diin 1,405 ang new registration kag 18,495 ang renewal.
Samtang, 10,218 naman ang naissued permit kun sa diin 284 ang bag-o nga na-issue kag 9,934 naman ang renewal.
Pahayag ni Rayos mas maayo nga may extension agud madamo pa sang makaproseso.
Nagpaandam man ini nga matapos ang Business One Stop Shop malibot ang BPLO para magtsekyar sa mga naganegosyo sa ciudad kun may permit ukon wala.
