Ginkompirmar sang pinuno sang Emergency Operations Center (EOC) sa syudad sang Bacolod nga natapos na ang ila nga imbestigasyon sa resort nga nagpatigayon sang foam party sa Barangay Pahanocoy, Bacolod City sang nakaligad nga semana.
Sa interview sang Bombo Radyo Bacolod kay Bacolod City Administrator Em Ang, ginpahayag sini nga nakita sa imbestigasyon nga naglisensya ang tag-iya sang resort sa Punong Baranagay sang Barangay Pahanocoy nga mapablessibng sang resort.
Ginpasirado na sang permit and licensing division kag City Legal Office ang resort.
Suno kay Ang, paagi man sa social media nahibaluan sini ang angot sa insidente.
Aminado man ini nga madamo sang health protocols nga ginlapas sa ginpatigayon party.
Suno diri, ginatinguhaan sang syudad nga magnubo ang kaso sang COVID-19 gani indi sini luyag nga magkasecond wave sang balatian bangud tanan naman ang mabudlayan gani nagapanawagann ini nga magsunod sang health protocols.
Samtang nagpanawagan man si Ang sa mga concerned citizen nga magpalab-ot sang impormasyon sa EOC paagi sa pagmessage sa Bacolod City EOC fb page agud nga ila maimbestigaran ang mga ginareport establishement nga nagabaligya sang makahulubog nga ilimnon sa sulod sang curfew hours kasubong man ang mga menor de edad nga nagparty party.
Liwat nga nagpanawagan si Ang nga magsuksok sang face mask face shield kag iban pa nga health protocols batok sa COVID-19.
