Nabiktima sang fake booking scam ang isa ka restaurant sa ciudad sang Sipalay, Negros Occidental.
Sa interview sang Bombo Radyo kay Police Capt Jose Michael Munyez, Deputy Chief of Police sang Sipalay City Police Station, may isa ka lalaki nga nagpalapit sa resrtaurant nga nagapangita sang trabaho.
Ang lalaki ang ginkilala nga si Mike De Vera.
Ginbaton ini sang tag-iya kag sa sulod sang isa ka semana nga pagtinir nagpakita si De Vera nga maayo ini sa pagtrabaho.
Naghambal si De Vera nga may yara ini sang costumers gikan sa Korea kag ginhambalan nga magapabook sa ila nga restaurant.
Sang naplastar na ang tanan nga pagkaon, may banda kag ginbutangan pa sang dekorasyon ang venue, wala sang may nagkadto nga costumer kag sa karun indi na macontact si De Vera.
Nagdangat naman sa kapin sa P200,000 ang kapierdehan sang restaurant.
