Ginatipon na sang Bacolod City Administrators Office ang mga ginapasa sang mga job order employees sang Bacolod City Government nga mga resulta sang drug test.
Sa interview sang Bombo Radyo Bacolod kay Bacolod City Administrator Atty. Mark Mayo, ginatipon kag ginacompile sang ila nga opisina ang mga resulta sang drug test nga boluntaryo nga ginpasa sang mga job order employees sang ciudad.
Suno kay Mayo, kalaban sa mga ini ang nagpadulong sa Bacolod City Health Office para sa drug testing bangud barato ang ginabayran kag may iban man nga nagpadulong sa pribado nga clinic para sa nasambit nga test.
Suno diri kun makumpleto na ang pagcompile kag ang screening magahimo naman ang mga ini sang tikang.
Dugang pa sini ang mga magapositibo ang resulta sang drug test ang indi na makabilin sa ila nga trabaho.
Sa karun ang ciudad sang Bacolod ang may yara sang 3,800 ka mga JOs kun sa diin ang 3,000 ang yara sa idalom sang general fund samtang ang 800 ang yara sa idalom sang Special Education Fund.
Madumduman nga una na nga nagpadailom sa drug testing antes pa man nagpungko sa pwesto si Bacolod City Mayor Greg Gasataya.
Samtang ginpasalamatan sang alkalde sa ciudad sang Bacolod ang boluntaryo nga pagpaidalom sang mga job order employees sang ciudad sa drug testing bilang sabat sa panawagan sa kampanya batok sa illegal nga druga.
Suno kay Bacolod City Mayor Greg Gasataya, nagapasalamat gid ini sa ginhimo sang mga JOs bilang ila nga sabat sa kampanya batok sa illegal nga druga agud masiguro nga ang work place ang illegal drug free.
Suno kay Gasataya, gina-apresyar sini ang tikang sang mga JOs nga magsunod sa panawagan nga dapat hilway sa paggamit sang iligal nga druga ang mga nagatrabaho sa ciudad.
