Ginbuksan na kaina sang aga ang mga bubon sa Purok Luhod-Luhod, Barangay Mandalagan, Bacolod City nga ginbutangan sang chlorine kahapon matapos narecord ang una na kaso sang cholera sa nasambit nga lugar.
Ginbukasan kaina alas-10:00 sang aga ang mga bubon bangud 24 oras na ang nakaligad humalin sang gindisinfect ang 11 ka mga bubon.
Sa interview sang Bombo Radyo kay Barangay Kagawad Paul Anieve, apisar nga gin-abrehan na sa pubkiko ang bubon, ginadilian sa gihapon ang paggamit sang tubig nga ipaligo ukon ipanghugas.
Ila gin-prioritize ang 11 sa 13 ka mga bubon nga nagpaubos sang chlorine bangod nga ang iban ang magagmay lamang.
Ila ginpatsekyar ang tubig nga sa karun ginahulat pa ang resulta sang laboratory test.
Samtang may yara sang walo ka mga indibidwal ang nagka-LBM sa Sitio Abkasa, pahayag ni Anieve, wala sang kritikal sa walo ka apektado sang nag-ayo naman ang pamatyag sang iban, apanga ila gintsekyar sa gihapon ang source sang tubig kag amo man nga ginahulat ang resulta.
Dugang pa ni Anieve, padayon ang ila pagmonitor ilabi na kun may yara sang update sa kaso sang cholera nga mahatagan sang husto nga tikang.
