Resulta sang postmortem examination sa bangkay ni Quinie Aguirre, ginahulat pa sang kapulisan

Ginahulat nalang sang katapo sang Bacolod Police Station 10 ang resulta sang postmortem examination sa bangkay sang lima katuig nga bata nga nakita sa suba sang Barangay Handumanan, Bacolod City.

Sa interview sang Bombo Radyo Bacolod kay Police Captain Sherwin Galupar, station commander sang Bacolod Police Station 10, ang nasapwan nga bangkay sang bata amo ang ginreport nga missing sadtong December 21 base man sa bayo sini.

Suno kay Galupar ang request for autopsy sa bangkay ang napasa na nila kun sa diin ginahulat nalang ang resulta sini agud maestablisyar ang resulta sang kamatayon sang biktima.

Indi pa mapat-od kun may yara sang foul play sa kamatayon sang bata bangud ginahulat pa ang autopsy result.