Ginalauman nga marelease na subong nga adlaw ang resulta sang swab test sang mga market vendors sa tatlo ka dalagko nga mga merkado sa Bacolod City.
Sa interview sang Bombo Radyo Bacolod kay Executive Assistant to the Mayor Ernie Pineda, ginpahayag sini nga kabug-usan nga 1,786 market vendors nagikan sa dalagko nga mga merkado, ginalakipan sang Burgos Public Market, Central Market kag Libertad Market ang nagpaidalom sa reverse transcription polymerase chain reaction (RT-PCR) test para sa coronavirus disease (Covid-19) sang Sabado, October 10.
Suno kay Pineda, nadul-ong na sa laboratoryo sa Cebu City ang mga swab specimens.
Ginpahayag man sini nga sang Domingo lang natapos ang encoding gani sang Domingo man ginpadala sa Cebu City ang mga samples.
Suno kay Pineda, isa lang man ka adlaw kag magwa na ang resulta sang swab test.
Santo sa target, nakapaswab naman tanan.
Magalibot naman ang mga City Legal Office Enforcement Unit kaupod ang market leaders para sa inspection kag tapikan sang “in process” ang mga kiosko samtang ginahulat pa nga makacomply sila.
May yara pa sang kapin 30 porsyento ka mga market vendors ang wala pa makapaidalom sa swab test.
Ginpahayag niya man nga wala sang ginapili ang virus, mapamanggaranon man ukon imol.
Istoryahan man nanday Pineda kag swab team ang sarang nga mahimo sa tanan nga luyag pa nga magpaswab test.
