Ginkumpirmar sang spokesperson ni Bacolod City Mayor Alfredo “Albee” Benitez nga gin-nullify sang alkalde ang resulta sang Asenso Covention sang tinalikdan nga Setyembre 15, 2024.
Sa interview kay Atty. Caesar Distrito, ang pagnullify sang resulta sang convention ang bangud lapnagon ang naglapas sa direktiba sang alkalde nga dapat mangin neutral ang mga punong barangay sa resulta sang convention.
Suno kay Distrito bangud ang mga ini ang wala nagpati sang neutrality gani ang alkalde nalang ang magapili sang duha nga para sa nabilin nga slots sang konsehal.
Suno diri napulo ang incumbent gani may duha nga bakante bangud 12 ka mga konsehal ang kinahanglan sa ciudad sang Bacolod.
Ginpahayag ni Distrito nga mangin balasehan ang alkalde sa pagpili sang duha ka nabilin nga mga slot amo ang winnability, loyalty sa partido, kag ang ikasarang sa paghimo sang trabaho sang mayo.
Personal naman nga pangalanan ni Benitez ang iya mga napililian sa tion nga igaanunsyar sini ang final slate sang Team Asenso Bacolod.
