Retired pulis, gintiro-patay sang riding in tandem suspects sa Negros Oriental

Patay ang isa ka retired nga pulis sa Purok 6, Brgy. Ajong Sibulan, Negros Oriental matapos gintiro sang riding-in-tandem suspects kahapon.

Ginkilala ang biktima kay Rodrigo Soldivillo, 46 anyos, retired pulis, kasado kag residente sang Purok 6, Brgy. Ajong, Sibulan, Negros Oriental.

Sa impormasyon nga nakuha sang Bombo Radyo Bacolod, nagapungko ang biktima sa atubang sang isa ka tyangge sang hinali lang ginluthang sang mga lalaki nga nagasakay sa motorsiklo.

Gilayon man nga gindala sa malapit nga ospital ang biktima apang gindeklarar man nga dead on arrival.