-- ADVERTISEMENT --
Masobra P1 million ang ginsaka sa sales sa Bacolod Chicken Inasal Festival 2026 kun ikumpara sa tinalikdan nga tuig.
Suno kay Councilor Celia Flor, Chairperson sang Committee on Markets and Slaughterhouse sa Sangguniang Panlungsod, maayo ang nangin resulta sang Chicken Inasal Festival kun sa diin dako ang na-income sang mga concessionaire sa tatlo ka venue sa Ayala mall, MegaWorld, kag SM mall.
Suno diri, ang reported sales sa karun yara sa P3, 285,047 samtang ang sales naman sang tinalikdan nga tuig yara lamang sa P2.371 million.
Suno kay Flor, isa sa ginalantaw sini kun ngaa nangin madinalag-on ang Chicken Inasal Festival amo ang manami nga tyempo kun sa diin madamo sang naglagaw.
