Nagdangat sa P40 million ang revenues sa 37th Negros Trade Fair nga ginpatigayon sa Glorietta Mall sa Makati City.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, nalapawan sang 37th Negros Trade Fair ang revenues sang 36th Negros Trade Fair sang nakaligad nga tuig.
Ginalantaw ni Lacson nga nagsaka ang revenues subong nga trade fair bangud nga mas madamo na ang tawo nga nagtambong sa event kag nagbakal sang ginabaligya diri indi kaangay sang nakaligad nga tuig nga indi pa madamo ang naga gwa bangud sa kahangawa sa COVID-19.
Ginpanginbulahan sini ang mga miyembro sang Association of Negros Producers (ANP) ang nag-organize sang madinalag-on nga event.
Ginkalipay man sang gobernador ang kadalag-an sang trade fair bangud nangin palaagyan ini nga mag-expand ang market sang mga small and medium-sized enterprise sang probinsya matapos nga nakaestablish sang contacts sang mga possible buyers sa Manila.
14 naman ka mga Local Government Unit sa Negros Occidental ang nakigbahin sa trade fair.
Padayon man ang pagengganyo sang gobernador sa katapo sang small and medium-sized enterprise nga mag-inovate sang ila nga produkto.
Pila sa mga senador nga nagpadulong sa trade fair amo sanday Senator Grace Poe; Senator Cynthia Villar, Senator Imee Marcos kag si Department of National Defense Secretary Gilbert Teodoro.
Nagalookforward naman si Lacson sa 38th Negros Trade Fair sa madason nga tuig.
