Ginatinguhaan sang Tourism Infrastructure and Enterprise Zone Authority (TIEZA) nga matapos ang proyekto sa Bacolod Public Plaza kag Bacolod City Government Center.
Apang sa ila nga sabat sa ginpadala nga sulat ni Bacolod City Mayor Greg Gasataya gin-reiterate sang mga ini nga ang completion date sang ila mga proyekto ang sa January 27, 2027 pa.
Ang nasambit nga completion date ang nakabutang sa revised nga kontrata.
Sa kaundan sang sulat sang TIEZA nga apektado ang ila schedule bangud sa work suspension.
Madumduman nga sang 2025 may yara sang duha ka bagyo nga ginalakipan sang Bagyong Tino kag Bagyong Verbena ang nagtuga man sang delay sang trabaho sang TIEZA sa ginahimo nga proyekto sa ciudad.
Ang proyekto ang nagsugod February 19, 2025 kag ang matapos sang January 16, 2026.
Nalakip man sa mga rason sang delay ang mga requirements para sa Environmental Compliance Certificate (ECC).
Madumduman man sang nakaligad nga ginpauntat man ang construction bangud man sa Masskara Festival kag nagsunod pa ang pagwaswas sang duha ka bagyo.
May yara man sang tatlo ka time extension nga gin-approve nga nagdugang sang 174 days sa project schedule.
Nagdako ang project cost bangud sa variation order kun sa diin nagsaka halin sa P299.9 million nangin P328.09 million.
Lakip sa nagdugang amo ang P4.88 million para sa revised board up, P7 million para sa typhoon damages kag P16.37 million para sa mga dugang nga ubra nga ginalakipan sang upgrading sang power supply, control system, soft and hard landscaping kag revised structural design sang fountain.
