Nagapati ang pinuno sag Rice and Sugar Watch (RSW) – Negros nga maayo ang intention ang natalana nga pagdeklarar sang Department of Agriculture (DA) sang food security emergency.
Sa interview sang Bombo Radyo Bacolod kay Wennie Sancho, madugay na nga programa ang food security apang wala gid sang kongkreto nga measures nga nahimo ang gobyerno agud nga mapahagan-hagan ang problema sa food security.
Suno kay Sancho may yara ang Pilipinas sang layi nga RA 12022 ukon ang Anti-Agricultural Economic Sabotage Law nga amo tani ang ma-addresss sa problema sang mataas nga presyo sang agricultural products kaangay sang bugas kun ini lamang ang napatuman sang insakto.
Suno diri, dapat unahon gid kuntani nga aregluhon sang gobyerno ang mga hoarders nga nagatipon sang bugas kag ginatago sa nagkalain-lain nga bodega.
Suno pa diri, gindugangan pa sang mga Chinese traders nga wala pa maani ang humay, ginbakal na sa barato nga presyo.
Suno kay Sancho, dapat may reevaluation sang Rice Tariffication Law kag ipatuman ang RA 12022 ukon ang Anti-Agricultural Economic Sabotage Law agud nga masolusyunan ang problema sang mataas nga presyo sang bugas.
Suno diri, ang layi ang ipatuman sabaylo nga magpatuman pa sang food security emergency agud lamang nga magnubo ang presyo sang bugas sa pungsod.
Nahibaluan nga dako nga palamangkutanan sang tanan nga madamo naman ang stock sang bugas bangud nag-abot nga mga imported nga bugas apang mahal sa gihapon ang presyo.
