Nagsaka ang stock sang humay sang National Food Authority (NFA) sa pihak sang paglaslas sang bagyo kag pag-expand sang rollout sang gobyerno sang P20-per-kilo rice program.
Suno kay NFA Administrator Larry Lacson, makakilibot nga nagsaka ang stock sa 460,000 metric tons (MT).
Pahayag niya, ang buffer stock sang NFA ang bastante na nga magdugay sa 12 ka adlaw, nga masobra sa siyam ka adlaw nga buffer nga kinahanglan sa idalom sang Rice Tariffication Law.
Nagaplano man ang ahensya nga pasakaan ini sa 15 ka adlaw sa 2026.
Ginpahayag niya nga ang Benteng Bigas Meron Na program, nga pet project ni President Marcos sa idalom sang Department of Agriculture (DA), ang yara na sa 82 ka mga probinsya sa bilog nga pungsod.
Ini matapos ginpalapad sang DA ang programa sa Sulu kun sa diin, 3,000 ka mga benepisyaryo sang nag-avail sang P20 per kilo rice.
Dugang pa ni Lacson, 101,000 ka mga bag sang humay ang napagwa sa anum ka mga rehiyon nga gin-igo sang bagyo nga ginalakipan sang Cagayan Valley, Central Luzon, Calabarzon, Bicol, Western Visayas kag Central Visayas.
