Masobra na sa 3.39 million metric tons ang rice imports sang Pilipinas, kun ipaanggid sa kabug-usan nga na-import nga bugas sang nagligad nga tuig.
Base sa datos sang Bureau of Plant Industry ukon BPI, nagdangat na sa 3.46 million metric tons ang rice imports sang pungsod as of Agosto 13.
Ini ang mas mataas kun ipaanggid sa 3.39 million metric tons nga kabug-usan nga rice imports sang tuig 2025.
Ang pinakadako nga bahin sang mga imported rice ang naghalin sa Vietnam, nga nagapabilin nga nagapanguna nga supplier sang Pilipinas kun sa diin nagdangat sa 2.59 million metric tons ang rice import.
Ginasundan ini sang Thailand, nga may yara sang 378,404 metric tons, kag Myanmar, nga may 286,052 metric tons.
Ginpahayag ni Agriculture Secretary Francisco Tiu Laurel Jr., wala sang plano ang gobyerno nga magpatuman sang import ban sa bugas.
