Padayon ang profiling sang ciudad sang Bacolod kaupod ang Department of Trade and Industry sa mga rice retailers sa ciudad para sa posible nga second batch sa pagtagtaganay sang P15,000 nga subsidy.
Madumduman nga 37 lamang ka mga rice retailers sa probinsya sang Negros Occidental ang nakabaton sang P15,000 nga rice subsidy kun sa diin isa lamang sa ciudad sang Bacolod ang nakabaton.
Suno kay Bacolod City Administrator Atty. Pacifico Maghari III, madamo sang ginavalidate nga rice retailers kag posible suno sa Departemnt of Agriculture (DA) kag Department of Social-Services & Development (DSSD) nga may second batch pa sang pagtagtaganay.
Aminado man ini nga madamo sang rice retailers ang nagareklamo nga wala nakakuha sang subsidy. gani ginalauman nga mas madamo pa gid ang makakuha sa next batch santo sa official list sang registered rice retailers.
Pahayag ni Maghari, ginatinguhaan nga mahatag ang maayo nga presyo kag maayo nga kalidad sang bugas nga bisan papaano makabulig sa mga pumuluyo.
