Ginakabig sang anay provincial agriculturists sang Negros Occidental nga maayo nga tikang ang ginaduso sang gobyerno nga panubuan ang presyo sang bugas.
Ini agud nga mabuhinan ang ginapas-an sang mga kunsumidor.
Sa interview sang Bombo Radyo Bacolod kay Atty. Japhet Masculino, mahal sagihapon ang presyo sang bugas apisar sang Rice Tarrification Law nga may tinutuyo nga panubuan ang presyo sini.
Suno kay Masculino, kun lantawon sa World Market ang presyo sang gina-import nga bugas ang yara lamang sa P21.00 kada kilo.
Apang nagamahal ini pag-abot sa merkado bangud sa mga transport costs kag handling costs.
Indi man madali-dali ang pag-import sang bugas bangud may yara sang proseso nga kinahanglan maagyan.
Suno kay Masculino kun diri, sa lokal kuhaon maninit na ang supply kag ang baklanay sang humay ang masobra P20 per kilo kag kun magbugas na ini, P40 kada kilo ang iguan.
Suno diri, agud nga malab-ot ang P30.00 kada kilo kinahanglan nga magsubsidize ang gobyerno.
