Patay ang isa ka lalaki nga gina-alegar may kaangtanan sa illegal nga droga matapos ginluthang sang riding in tandem suspects sa Brgy. Poblacion, Sagay City, adlaw sang Martes.
Sa impormasyon nga nakuha sang Bombo Radyo, nakilal-an ang biktima kay Jomar Pendaliday, 36 anyos kag residente sang nasambit nga lugar.
Pasado alas 6:00 sang aga kahapon samtang nagapaninlo sang double tire nga salakyan si Pendaliday sang may naglabay nga riding in tandem kag hinali lang ini nga gintiro.
Suno sa mga residente, nakajacket nga itom ang duha ka lalaki apang wala ini sang tabon sa ila guya gani nakit-an nila ang itsura sang mga suspect.
Nahibalu-an man nga may kaangtanan sa illegal nga droga ang biktima kag isa ini sa mga anggulo nga ginatulok sang mga kapulisan.
