Ginpahayag sang human rights lawyer nga dapat hatagan sang paghalong ang tawo nga ginadakop santo sa ‘Right to Life’ sini.
Sa interview sang Bombo Radyo Bacolod kay Atty Cesar Beloria, may yara sang kooperasyon ang Pilipinas sa pagdakop kay former president Rodrigo Duterte sa pagserbe sang warrant of arrest nga gin-issue sang International Criminal Court.
Suno diri, nakapahibalo na nga daan ang interpol sa pag-aresto kay Duterte kag nagkooperar diri ang Philippine National Police.
Gin-athag ni Beloria ang argumento nga ginsurrender sang Pilipinas ang anay presidente sa ICC, nga nagbulig lamang ang PNP sa pag-arrest sang interpol.
Dugang pa sini, kun may temporary restraining order (TRO) nga gingrant ang supreme court, lantawon anay kun san-o ini ginpasar bangod kun ginbyahe na padulong sa Netherlands si Duterte nga wala pa man sang TRO, wala sang legal nga basehan nga wala gintuman ang order sang korte suprema.
Samtang, nagpahayag man si Beloria nga dapat lantawon ang well being sang tawo nga dakpon.
Suno diri, dapat hatagan sang value ang right to life sang tawo kag dumdumon nga tawo ang gin-aresto kag indi sapat.
Bisan sin-o man ang gindakop, ordinaryo ukon milyonaryo, suno sa human rights lawyer, dapat patas ang ginahatag nga respeto.
