Gin-athag sang Philippine Institute of Volcanology and Seismology (Phivolcs) nga indi makapugong sa diving operation sang Department of Justice (DOJ) ang threat sang paglupok sang Bulkan Taal.
Kahapon, ginsuguran na sang DOJ ang pagpangita sa mga bangkay sang misisng sabungeros nga una na nga nareport nga ginhaboy sa nasambit nga lake.
Suno kay Phivolcs Director Teresito Bacolcol, indi makaapekto sa mga divers kun may matabo man nga paglupok ang Taal volcano kadungan sang padayon nga pagsaka sang seismic activities sini.
Suno sa opisyal, ang Taal Lake ang malayo na sa Taal volcano island.
Ini ang nagaserbi nga permanent danger zone sang bulkan kag sa karun, ginadumilian ang pagtinir diri.
Samtang ang lake naman ang malayo na sa danger zone kag madamo nga mga manugpangisda ang regular nga nagapadulong didto.
