Ginpahayag sang tag-iya sa isa ka stalls sa daan nga Manokan Country nga sadto pa lang nakahibalo na ini nga irenovate ang lugar.
Suno diri, 43 anyos na sila nga nagabaligya sang inasal sa Manokan Country.
Suno diri, amat amat naman sila nga nagsaylo sa temporaryo nila nga stalls.
Ginpahayag man sini nga malapit naman sila duha ka tuig nga wala maayo nga benta bangud diutay nalang ang nagakadto kag nagabakal sang inasal.
Sa Pebrero 21 naman natalana ang demolition sang mga stalls sa daan nga Manokan Country.
Samtang ginpalawig naman ang pagsirado sang Fr. Ferrero St.
Ginkumpirmar ni Bacolod Traffic Authority Office Deputy Head Jose Antonio “Jojo” Robello, nga sang Pebrero 15 natapos ang road closure apang ginpalawig ini tubtob sa Marso 15.
Suno diri ang road closure ang ginpatuman agud maghatag ligwa sa mga heavy equipments nga ginagamit para sa renovation sang Manokan Country kasubong man sa fencing kag piling sa nasambit nga lugar.
