Preparado na ang Bacolod Traffic Authority Office sa pagpatigayon sang road closure sa road sa North Capitol Road nga umpisahan subong nga adlaw, Enero 26 may kaangtanan sa Bacolaodiat Festival 2025.
Suno kay Bacolod Traffic Authority Office Head Patrick Leonard Lacson, ang North Capitol Road ang siraduhan bangud diri ipahamtang ang tanan nga mga events sang Bacolaodiat Festival.
Suno kay Lacson, na-orient naman ang tanan nga BTAO traffic enforcers kun ano ang ila nga pagahimuon.
Pahayag sini nga ang mga motorista ang nakahibalo na sang ila nga alagyan bangud naanad naman ang mga ini nga ginasirado ang North Capitol Road kun may yara sang event kaangay lamang sang MassKara Festival.
Panugyan sang pinuno sang Bacolod Traffic Authority Office sa mga motorista kag nagabiyahe nga maghatag sang malaba nga pasyensya bangud lauman na ang malaba kag mahinay nga dalagan sang trapiko bangud isa sa main road ang siraduhan.
Nahibaluan nga santo sa permit nga nakuha sang organizer sa konseho, magasira ang North Capitol Road sa Enero 26 tubtob Pebrero 3, 2025.
Ang 5th Lacson Street tubtob 13th Lacson Street ang magasira sa Enero 28 tubtob Pebrero 3, 2025.
Patigayunon ang Bacolaodiat Festival 2025 sa North Capitol Road kag Lacson Street sa Enero 31 tubtob Pebrero 2, 2025.
