Ginpresentar na ang plastado nga road closures sa mga aktibidad sa Masskara Festival 2026.
Halin sang Oktubre 1 tubtob na sa pagtakop sa Oktubre 18, ipatuman ang full road closures halin alas-3:00 sang hapon tubtob alas-5:00 sang kaagahon sa bahin sang Rizal, San Juan, Gonzaga kag Gatuslao Street sa palibot sang Bacolod City Public Plaza.
Sa kaangay nga petsa kag mga oras, half road closure naman ang ginapatuman sa entrance kag exit roads sang Bacolod City Government Center, kag Petron-Wilcon-Market Place.
Sumugod kahapon Oktubre 7 tubtob na sa Oktubre 13, full road closure naman ang ipatuman sa Rizal Street, San Juan corner padulong sa Palanca Road halin ala-1:00 sang udto tubtob alas-6:00 sang gab-i.
Sa Oktubre 10, halin ala-1:00 sang hapon tubtob alas-6:00 sang gab-i, magapatuman naman sang full road closure sa Lizares tubtob sa Araneta tubtob sa Gonzaga kag Gatuslao Street sa palibot sang Public Plaza.
Sa Oktubre 11, may full road closure man sa Malaspina Street sa likod sang STI gym halin alas-3:00 sang hapon tubtob ala-1:00 sang kaagahon.
Sa Oktubre 12 tubtob 15, may half road closure naman sa Lacson Tourism Strip, halin sa BS Aquino Drive tubtob sa Cottage Road para sa installation sang mga stage, halin alas-7:00 sang gab-i tubtob alas-5:00 sang kaagahon.
Sa Oktubre 14, may full road closure man sa San Sebastian-Araneta corner sang Public Plaza halin alas-3:00 sang hapon tubtob alas-7:00 sang gab-i.
Sa kaangot nga balita … Oktubre 15 kag 16, may half road closure sa Araneta, Gonzaga, Rizal street tubtob sa SM halin alas-8:00 sang aga tubtob alas-5:00 sang hapon.
Sa Oktubre 16, saraduhan man ang Circumferential Road, Burgos Ave. tubtob St Francis Street halin alas-4:0 sang hapon tubtob alas-9:00 sang gab-i.
Sa Oktubre 16 tubtob 18, may full road closure naman sa Lacson Tourism Strip, halin BS Aquino Driver tubtob SSS Cottage Road halin alas-2:00 sang hapon tubtob alas-5:00 sang kaagahon.
Sa Oktubre 17 tubtob 18, may full road closure naman halin sa Hernaez, Gonzaga, kag Gatuslao Street padulong sa Rizal kag Palanca Street sa SM City Bacolod halin alas-10:00 sang aga tubtob alas-9:00 sang gab-i may kaangtanan sa Street Dance and Arena Competition.
Sa interview sang Bombo Radyo Bacolod kay Police Major Elmer Bonilla, head sang Traffic Management Unit sang Bacolod City Police Office, apisar nga halin alas-3:00 sang hapon tubtob alas-5:00 sang kaagahon ang road closure sa plaza, sa masami ini ang temprano pa nga ginabuksan bangod temprano paman nagapanghimos ang mga kiosk owners kun wala na sang customer.
Pasalig lamang sini nga magapadayun ang pagbantay sang kapulisan, kag ginpasanyog gid ang augmentation agud mas madasig nga makaresponder kun may mga insidente.
