Gin-umpisahan na ang pagsemento sa reblocking sa dalan sa Lacson extension sa Alijis Road sa ciudad sang Bacolod.
Sa interview sang Bombo Radyo Bacolod kay City Engineer’s Office Head Engr. Loben Ceballos, reblocking lamang ang ginpatigayon kun sa diin ang may damage lang nga bahin sang dalan ang ginrepair kag indi ang bilog nga dalan.
Suno diri, sige-sige na ang pagtrabaho sa reblocking matapos nga nasettle na ang mga magagmay nga issues nga nagpadelay sa trabaho.
Isa sa rason sang delay amo ang maulanon nga panahon, obstruction sa dalan kaangay sang mga poste nga dapat pa nga kuhaon, kag issue sa contractor.
Ginahingagaw na sa karun nga matrabaho ang dalan antes pa mag-abot ang panahon sang tig-ululan.
Nagpangayo si Ceballos sang dugang nga pasensya gikan sa mga pumuluyo samtang padayon ang pagkay-o sa dalan.
