Ginaangot sang mga kapulisan ang kaso sang pagpangawat sa banwwa sang Cauyan nga nagluntad sang Hunyo 16 sang gab-i sa pagpangawat sa balay sang Belgian national sa Villa Angela Subdivision, Barangay Villamonte, Bacolod City kahapon sang kaagahon kun sa diin napatay ang foreigner.
Sa interview sang Bombo Radyo kay Police Major Lowell Garinganao, hepe sang Cauayan Municipal Police Station, ginpahayag sini nga santo sa ila imbestigayon, palareho gid ang modus sang mga kawatan sa duha ka insidente.
Suno kay Garinganao, ginahiluan anay sang mga ini ang ido nga nagabantay sa puluy-an agud mapatay antes magsulod sa balay.
Suno sa iya, lunsay mga long firearms man ang dala sang mga suspetsado sa pagpangawat.
Suno sa hepe, ila ginapanilagan ang isa ka grupo nga ginapatihan naga-operate sa bilog nga probinsya kag may yara sang tattoo ang mga miyembro.
Sa karun, ginakompirmar pa sang kapulisan kun isa lang ka grupo ang yara sa likod sang duha ka mga insidente.
