Ginkumpleto sang aktor nga si Robin Padilla ang 12 ka mga senatorial candidates sa idalum sang UniTeam nga ginapangunahan ni presidential aspirant Ferdinand “Bongbong” Marcos kag vice presidential candidate Davao City Mayor Sara Duterte-Carpio.
Ini ang gin-anunsyar ni Duterte-Carpio sa isa ka campaign rally sa Paoay, Ilocos Norte.
Ang iban nga miyembro sang UniTeam ang ginalakipan sanday former Public Works secretary Mark Villar; former Palace spokesperson Harry Roque; former Quezon City Mayor Herbert Bautista; former Defense secretary Gibo Teodoro; former senator Loren Legarda; Atty. Larry Gadon; Senator Migz Zubiri; Senator Sherwin Gatchalian; former Information and Communications secretary Gringo Honasan; former senator Jinggoy Estrada; kag House Deputy Speaker Rodante Marcoleta.
Si Padilla, nga nagtake-oath bilang miyembro sang ruling party PDP-Laban sang tinalikdan nga Oktubre, ang nagsuporta kag nagkampanya para kay Presidente Rodrigo Duterte sang 2016 national elections.
Ang amay sini nga si Roy ang nagserbi bilang gobernador sang Camarines Norte sang 1970 kag assemblyman sang 1980.
