Gindeklarar na nga si Rodil Zalameda ang mangin bag-o nga Chief Justice, bulos kay Alexander Gesmundo nga magaretiro bwas, Nobyembre 6.
Si Zalameda, 63 anyos, ang na-appoint sa Korte Suprema sang Agosto 6, 2019.
Siya ang nagserbe sadto bilang associate justice sa Court of Appeals, nga iya ginpamunuan sang 17th Division.
Si Zalameda ang nagsulat sang Supreme Court ruling nga nag-acquite kay former First Lady Imelda Marcos sa 7 counts sang graft.
Madumduman nga sa ruling, napaslawan ang prosekusyon nga pamatud-an nga may ‘guilt beyond reasonable doubt.’
Siya man ang author sa landmark ruling sa Deduro vs Maj. Gen. Vinoya, kun sa diin gintindugan sang korte nga ang red-tagging, vilification, labeling, kag guilt by association nga nagahatag sang risgo sa kinamatarong sa kabuhi, kahilwayan, kag seguridad sang isa ka persona, ang mangin justification para sa pag-issue sang writ of amparo.
