Lauman ang rollback sa presyo sang produktong petrolyo sa masunod nga semana, ini kasunod sa tatlo ka asod-asod nga oil price hike sa sini nga tuig.
Suno kay Department of Energy – Oil Industry Management Bureau (DOE-OIMB) Assistant Director Rodela Romero, ang estimated nga pagnubo sa presyo sang Gasolina ang yara sa P0.70 tubtob P1.00 kada litro, Diesel sa P0.20 tubtob P0.55 kada litro, kag Kerosene sa P0.40 tubtob P0.50 kada litro.
Suno kay Romero, ang projections ang nakabase sa market development kag international trading sa nakaligad nga apat ka adlaw.
Ang tatlo ka semana nga asod-asod ang pagsaka sang presyo sang produktong petrolyo ang nagresulta sa P3.45 nga increase sa kada litro sang Gasolina, P4.30 increase sa kada litro sang Kerosene kag P5 nga increase sa kada litro sang Diesel.
Ini ang ginkondenar sang transport groups bangod dugang nga kabudayan para sa ila mga miyembro ang pagsaka sang presyo sang produktong petrolyo kadungan sa nagamahal nga presyo sang mga balaklon.
