Naglab-ot na sa 958 ang Persons Under Monitoring (PUM) kaangot sa coronavirus disease sa probinsya sang Negros Occidental.
Suno kay Francis Christian Grope sang Provincial Health Office, nadala sa 958 nga PUM ang mga naka-isolate sa provincial quarantine facilities sa EB Magalona kag Mambukal Resort.
Suno diri, nagadamu ang PUM bangod sa pagtaas sang suspected cases kag tanan nga may close contact sa mga ini ang ginacontact tracing kag ginalakip sa listahan.
Adlaw-adlaw naman nga nagasaka ang numero sang mga ini kag nagadugang pa ang mga naga-alabot nga stranded kag OFWs sa probinsya.
May yara naman sang 41 ka suspected cases sa probinsya.
May ara naman sang duha nga ginakabig probable cases.
Nagadugang man sa pagsaka sang suspected cases amo ang ginahimo sang LGU nga pangitaon ang mga persona nga may kaangtanan sa pasyente.
Ginklaro naman ni Grope nga ginbag-o na ang daan nga pagtawag sa mga cases kag natunga ini sa tatlo, ang suspect, probable kag confirmed.
