Ginapakamaayo na lamang sang Commission on Election – Negros Island Region (COMELEC NIR) kun madayun ang postponement sang Brgy and Sangguniang Kabataan Election 2026 bangud sa nagakaeksperyensyahan nga rotational brownout sa Visayas.
Sa interview sang Bombo Radyo kay COMELEC NIR Director Atty Leonil Marco Castillano, ginalantaw sini ang positibo nga bahin sang postponement sang BSKE 2026, apisar nga medyo madako na ang nagasto sang COMELEC para sa preparasyon sang eleksyon nga natalana sa Nobyembre 2, 2026.
Suno diri, may 10 billion pa nga nabilin sa 18 billion nga gin-alokar para sa COMELEC.
P8 million diri ang nagasto sa preparasyon sang BSKE 2026.
Suno kay Castillano, pinaka-importante ang kuryente gani mangin mabudlay ang means of communication kun mag sige-sige ang brownout sa tion sang eleksyon.
Dugang pa sini, madamo man sang kwestyon sa mangin resulta kun mag brownout sa tion sang eleksyon.
Ginpaathag ni Castillano nga sila sa COMELEC NIR ang naga-implementar lamang sang mga existing laws sa eleksyon.
Gani, ginapanawagan sini sa Kongreso nga dapat may desisiyon na antes ang filing sang Certifcate of Candidacy (COC) sa Setyembre 28 agud mauntat ang ila nga mga calendar of activites.
Nagalaum man si Castillano nga wala na sang matabo nga rotational brownout sa 2028 agud madayun na gid ang eleksyon.
Sa pihak sini, ginpasalig sang NIR COMELEC Director nga 90-95 porsyento nga handa na sila inkaso madayun ang BSKE 2026.
Mensahe sini sa mga incumbent brgy official nga hatagan sang importansya ang nahabilin nga termino kag indi pag-usikan ang ginhatag nga extension sang Kongreso agud magpadayon sa ila nga trabaho.
