Ginpahayag ni US President Donald Trump nga maga-impose ini sang sanctions sa Russia kun magpamalibad si President Vladimir Putin nga mag-negotiate natuhoy sa pagtapos sang gyera sa Ukraine.
Wala naman naghatag si Trump sang dugang nga detalye natuhoy sa posible nga igadugang nga sanctions.
Ginsanction na sang United States ang Russia bangud sa invasion nga ginpatigayon sini sa Ukraine sang Pebrero 2022.
Suno kay Trump, gina-imbestigahan sa karun sang iya administrasyon ang issue sa pagpadala sang mga armas sa Ukraine kag nagpanindugan nga ang European Union amu ang dapat maghatag sang mas madamo nga suporta sa Ukraine.
Suno diri, sila ang nakighinun-anon na kay Ukrainian President Volodymyr Zelenskiy kag magaistorya man kay President Putin sa masunod nga mga inadlaw.
Suno sa iya, ginapilit man sini si Chinese President Xi Jinping paagi sa isa ka phone call nga mag-intervene agud mauntat ang gyera sa Ukraine.
