KYIV, UKRAINE – Gina-akusaran sang Ukrainian officials ang Russia sa paggamit sang phosphorus chemical bombs sa eastern Donbas region, samtang separado naman nga airstrike ang ginpatigayon sa monasteryo nga ginapanaguan sang mga sibilyan kun sa diin 30 ang nasamaran.
Nahibaluan nga ginadumilian sa International laws ang paggamit sang white phosphorus shells sa mga lugar sang sibilyan nga madamo sang populasyon apang ginapahanugutan ini sa mga open spaces agud magamit bilang cover sa mga suldado.
Ginpahayag ni Oleksi Biloshytsky, head of police sa Popasna, kapin 100 km west gikan sa Lugansk City, nga kahapon ang Russian forces ang naggamit sang chemical weapon sa ila nga lugar.
Sa facebook post sang opisyal, ginpahayag sini nga ang giman sang Nazis sadto nga “flaming onion” nga halos indi ma-eksplikar nga pag-antos kag kalayo.
Samtang sa nabagatnan nga dereksyon, nag-igo naman sa Sviatoguirsk Monastery ang isa ka bomba sa lugar kun sa diin kapin isa ka libo nga sibilyan ang nagapanago.
Ini ang nagtuga sang 30 ka mga indibidwal nga nasamaran santo sa Ukranian public prosecutor.
Samtang suno kay Pavlo Kirilenko, kahapon sang aga, isa ka train nga naga-evacuate sang mga tawo gikan sa Donbas padulong sa western city nga Lviv ang kasubong man nga gindagdagan sang bomba kun sa diin isa ka persona ang napatay kag may isa pa nga nasamaran.
Ang Lugansk kag Donetsk regions sa eastern Ukraine, ukon ginatawag nga Donbas, ang partially controlled sang Moscow-backed separatist antes paman ang full-scale Russian invasion sang Pebrero 24.
Ang mga lugar nga gin-atake ang yara na sa gwa sang separatist “republics” nga Lugansk kag Donetsk nga gindeklarar sang pro-Russian nga mga rebelde antes paman ang giyera.
