Russia, ginpaulanan sang missiles ang nagkalainlain nga mga establishimento sa Ukraine

Patay ang indi magnubo sa pito ka tawo samtang, 80 naman ang pilason matapos ang sunod-sunod kag wala untat nga pagpang-atake sang Russia sa Ukraine.

Gin-atake sang military forces sang Russia ang mga apartment building, opisina, gasolinahan, data center kag isa ka building sang National Academy of Sciences downtown Kyiv, lakip ang iban pa nga mga target.

Ang wala untat nga drone strikes sang Russia sa mga ciudad sa Ukraine ang nagatuyo nga mapahinay ang depensa sang Ukraine kag mapahuyang ang ila ekonomiya.

Ang insidente ang kasunod sang pila ka semana nga diplomatic efforts sa United Nations para sa pagpauntat sang gyera nga naglawig na sang masobra apat ka tuig.