RUSSIA – Ginpahayag sang Russia nga nagasalig ini sa China nga magabulig sa ila agud nga masarangan ang epekto sang Western sanctions sa ila ekonomiya.
Apang ang Estados Unidos naman ang nagpaandam sa Beijing nga indi maghatag sang lifeline sa pungsod.
Suno kay Russian Finance Minister Anton Siluanov, ang sanctions ang nagabalabag sa Moscow sa access sa 300 billion dollars gikan sa ila nga 640
billion dollars nga gold kasubong man sa mga foreign exchange reserves.
Dugang pa sang mga ini nga ang Beijing ang dapat nga magbulig pa agud nga mas masarado ang resources sang Russia.
Pahayag sang opisyal nga may bahin sang gold kag foreign exchange reserves sang Russia ang yara sa Chinese currency nga yuan.
Gani makita man ang pagpressure sang Western countries sa China nga limitahan ang mutual trade kag ang access sa nasambit nga reserves.
Nagapati si Siluanov nga ang ila partnership sa China ang makabulig agud nga mamintenar ang kooperasyon kag indi lang ma maintain kundi mapabaskog pa karun nga nagasarado ang Western markets.
Nahibaluan nga ang mga Western countries ang nagpatuman sang wala ginalauman nga sanctions sa corporate kag financial system sang Russia
sumugod sang gin-invade sang pungsod ang Ukraine sang Pebrero 24 nga ila naman gintawag nga military operation.
Suno kay US National Security Adviser Jake Sullivan, pribado kag derekta sila nga nagacommunicate sa Biejing kag nagpahayag nga may ara sang
konsekwensya nga may ipatuman man nga large-scale sanctions sa evasion efforts ukon pagsuporta sa Russia.
Paathag ni Sullivan nga indi nila mapahanugutan nga magpadayun kag mahatagan sang lifeline ang Russia gikan sa ginapatuman nga economic
sanctions sa bisan diin man nga pungsod sa kalibutan.
Si Sullivan ang natalana naman nga makigkita sa top diplomat sang China nga si Yang Jiechi sa Lunes sa Rome, Italy.
Nahibaluan nga naghugot pa ang kooperasyon sang damlag lang sang Russia kag China ilabi na nga ang duha ka pungsod ang parehas nga yara sa
idalum sang Western pressure may kaangtanan sa human rights kag iban pa nga mga issues.
