Nagtimalos kag naglunsyar ang Russia sang drone strikes sa nabagatnan nga bahin sang Ukraine partikular sa Zaporizhzhia, kahapon, isa ka adlaw matapos ang isa ka libo nga drone attack sang Kyiv sa Russia.
Naigo sa nasambit nga pagpang-atake ang mga apartment, university, kag shopping mall.
Gin-report naman nga may lima ka pilason, suno kay Ukrainian President Volodymyr Zelenskyy.
Gin-atake man sang Russi ang siyam ka rehiyon sang Ukraine.
Isa ka Russian drone ang nag-igo sa isa ka balay sa Kharkhiv region, nga nagpatay sa isa ka 45-anyos nga babayi samtang nakaangkon naman sang patal nga pilas ang iya bata nga 13-anyos santo sa State Emergency Services sang pungsod.
Base naman sa Russian military, ang ila target amo ang mga logistic hubs, warehouse, kag mga pantalan, kasubong man ang mga pasilidad sang militar.
Ang mga pagpang-atake ang isa ka senyales nga wala sang progreso ang diplomasya nga tikang sa tunga sang duha ka pungsod.
Ginpahayag sang Ukrainian President nga natalana ini nga magpakighinun-anon kay U.S. President Donald Trump sa U.N. General Assembly sini nga semana agud istoryahan ang peacetalk.
Apang wala naman ginalauman nga magatambong si Russian President Vladimir Putin sa nasambit nga annual event.
