Padayon nga nagatukod ang Russia sang forces sini sa palibot sang Ukrainian border, kun sa diin malapit sa tunga sang battle groups sang Moscow nga nagapalibot sa Ukraine ang yara na sa 50 kilometers ukon kapin 31 miles ang kalayuon sa border suno sa Western officials.
Sa isa ka intelligence briefing, ginpahayag sang mga opisyales nga ginapabilin sang Russia ang “exceptional force” sa border sang Ukraine kag ginhamtang ang mga militar agud magpatigayon sang invasion sa Ukraine.
Suno sa mga opisyales, ang 14 ka mga battlegroups ang ginapatihan nga padulong sa border sini nga semana kag madamo na sa karun ang nag-abot sa lugar.
Bilang dugang sa buildup sang troops, ginhatagan man pagtamod sang mga opisyales ang pagtukod sang isa ka pontoon bridge sa nagligad nga 72 hours nga ginalaragway bilang indi unusual kag inconsistent sa mga nagliligad nga military exercises.
Samtang, ginpahayag naman ni US President Joe Biden samtang ini ang pahalin sa White House, nga may yara sang rason ang Estados Unidos nga magpati nga ang Russia ang naga-engage sa isa ka “false flag operation.”
Suno kay Biden, nagakakita nila nga preparado ang mga ini nga magpadulong sa Ukraine kag atakehon ang pungsod.
Nagapati ang Presidente nga ini ang matabo sa masunod nga mga inadlaw.
Gindugang man sini nga nakapadala na sang response ang Russia apang wala pa niya ini nabasa.
Suno sa chief-executive, wala ini sang plano nga tawgan si Putin.
