Nagtaliwan na ang Russian ballet star nga si Vladimir Shklyarov sa edad nga 39.
Suno sa St. Petersburg company, nahulog ini gikan sa ikalima nga panalgan sang St. Petersburg building samtang ini ang nakainum sang painkiller.
Bangud sini, naglunsyar sang madalom nga imbestigasyon ang mga otoridad angot sa kamatayon sang sikat nga ballet dancer.
Ginkasal ini sa pareho nga ballet dancer nga si Maria Shklyarov kag nabugayan sila sang duha ka mga kabataan.
Ginbun-ag sa Leningrad kag nagtuon kag nagsikat sa Vaganova Academy of Russian Ballet kag nakagraduate sadtong 2003.
Nakaperform man ini sang nagkalain-lain nga mga pungsod kaangay sa Metropolitan Opera sa New York kag sa Royal Opera House sa London.
Nakabaton naman ini sang pagkilala kaangay sang Léonide Massine International Prize sang 2008.
